ذرا نم ہو تو یہ مٹی بڑی زرخیز ہے ساقی۔بیک وقت سات بچوں کی پیدائش

ایبٹ آباد: ذرا نم ہو تو یہ مٹی بڑی زرخیز ہے ساقی، بٹگرام کی رہائشی خاتون کے ہاں سات بچوں کی پیدائش، بچوں میں 4 لڑکے اور 3 لڑکیاں شامل ہیں۔

نجی ٹی وی کے مطابق ایبٹ آباد کے ضلع بٹگرام کے ایک نجی اسپتال میں خاتون کے ہاں بیک وقت 7 بچوں کی پیدائش ہوئی ہے، اہل خانہ کے مطابق 7 جڑواں بچوں کو جنم دینے والی 34 سالہ رخسانہ اور یار محمد پہلے سے 2 بچیوں کے والدین ہیں۔

ڈاکٹرزنے  بتایا کہ خاتون کے ہاں پیدا ہونے والے بچوں میں 4 لڑکے اور3 لڑکیاں شامل ہیں، نارمل بچے کی پیدائش 36 ہفتوں میں ہوتی ہے لیکن ان کی پیدائش 32 ہفتے بعد ہوئی ہے، جس کے  باعث بچوں کو آئی سی یو میں رکھا گیا ہے، تاہم تمام بچے اور ماں مکمل صحت یاب ہیں۔