حریم شاہ کے شوہرنے عمرہ کرلیا

پاکستان کی متنازع ٹک ٹاک اسٹار اوراداکارہ حریم شاہ نے اپنے شوہر بلال شاہ کے عُمرے کی تصاویر سوشل میڈیا پر شیئر کردیں۔

فوٹو اینڈ ویڈیو شیئرنگ ایپ انسٹاگرام پر زیادہ متحرک رہنے والی اور ہر گزرتے دن کے ساتھ اپنے مداحوں کے لیے اپنی نت نئی ویڈیوز شیئر کرنے والی حریم شاہ نے شوہر کی نئی تصاویر شیئر کردی ہیں۔حریم شاہ نے اپنے تصدیق شدہ انسٹاگرام اکاؤنٹ پراپنے شوہر بلال شاہ کی نئی تصاویر شیئرکی ہیں جن میں اُنہوں نے احرام پہنا ہوا ہے، ایک تصویر’خانہ کعبہ‘ کی بھی شیئر کی ہے۔ٹک ٹاکر نے بتایا کہ اُن کے شوہر کا پہلا عُمرہ مکمل ہوگیا ہے۔

واضح رہے کہ گزشتہ دنوں حریم شاہ نے اپنی شادی سے متعلق کیے گئے انکشافات سے انکار کیا تھا، اُنہوں نے اپنی شادی کے بارے میں کہا تھا کہ اُن کے شوہر پہلے سے شادی شدہ ہیں اور وہ پاکستان پیپلز پارٹی کے رکن سندھ اسمبلی ہیں۔

بعد ازاں شوہرکے منظرعام پر آنے کے بعد ٹک ٹاک اسٹار نے اپنی گفتگو میں بتایا کہ اُن کے شوہر کا نام بلال شاہ ہے اور وہ پہلے سے شادی شدہ نہیں ۔اُن کا مزید کہنا تھا کہ اُن کے شوہر چیئرمین پیپلز پارٹی بلاول بھٹو زرداری اور سابق صدر آصف علی زرداری کے بےحد قریب ہیں۔