کراچی میں چینی سستی ہو گئی

کراچی میں ایکس مل چینی کی قیمت میں مزید 12 روپے فی کلو کمی ہو گئی ، جس کےبعد ایکس مل کی چینی کی قیمت 96 روپے فی کلو ہو گئی ۔

نجی ٹی وی کے مطابق گروسرز ایسوسی ایشن کا کہنا ہے کہ ہول سیل سطح پرچینی کی فی کلو قیمت 98 روپےکلو ہوگئی، ہول سیل سطح پرچینی 13 روپے فی کلو سستی ہوئی ہے جبکہ ریٹیل سطح پر چینی کی قیمت 125 روپےفی کلو ہو گئی ہے ۔

ریٹیلرز ایسوسی ایشن کے مطابق ریٹیل سطح پرچینی کی قیمت 5 روپےکلو سستی ہوئی ہے ۔ دوسری جانب شہریوں کا کہنا ہے کہ   یوٹیلیٹی سٹورزکارپوریشن پرتاحال چینی دستیاب نہیں ۔ اسٹور انتظامیہ کے مطابق نئے اسٹاک کے آنے تک چینی کی فراہمی ممکن نہیں ۔