پاک فوج کا ہیلی کاپٹر سیاچن میں گرکر تباہ

راولپنڈی: پاک فوج کا ہیلی کاپٹر سیاچن میں گرکر تباہ ہوگیا جس کے نتیجے میں 2 فوجی افسران شہید ہوگئے۔

پاک فوج کے شعبہ تعلقات عامہ آئی ایس پی آرکے مطابق پاک فوج کا ہیلی کاپٹر سیاچن میں گرکر تباہ ہوگیا۔ ہیلی کاپٹر حادثے میں دونوں پائلٹ شہید ہوگئے۔

آئی ایس پی آر کے مطابق شہدا میں میجر عرفان برچا اور میجر راجہ ذیشان جہانزیب شامل ہیں۔,سرچ اور ریسکیو ہیلی کاپٹرزاورفوج کے دستے جائے حادثہ پر پہنچ گئے۔

یاد رہے کہ 7 اپریل 2012 کو سیاچن میں برف کا تودا گرنے سے 124 فوجی اور 11 شہری شہید ہوئے تھے۔