کراچی والوں کے لیے بری خبر

اسلام آباد:نیشنل الیکٹرک پاور ریگولیٹری اتھارٹی (نیپرا)نے کراچی کے صارفین کیلیے بجلی3 روپے 75 پیسے فی یونٹ مہنگی کردی۔

نیپرا کی جانب سے بجلی کی قیمت میں اضافے کا نوٹیفکیشن جاری کر دیا گیا ۔بجلی کی قیمت میں اضافہ ستمبر کے ماہانہ فیول ایڈجسٹمنٹ کی مد میں کیا گیا ہے اور دسمبر کے بلوں میں وصول کیا جائے گا جس کا اطلاق لائف لائن صارفین پرنہیں ہوگا۔

نوٹیفکیشن میں کہا گیا ہے کہ صارفین سے اضافے کی رقم دسمبرکے بجلی بلوں میں وصول کی جائے گی۔واضح رہے کہ نیپرا نے ستمبرکی فیول ایڈجسٹمنٹ کیلیے نومبر میں سماعت کی تھی۔