بلال یاسین پرقاتلانہ حملے کے تین ملزمان گرفتار

لاہور:مسلم لیگ(ن) کے رہنما بلال یاسین پر قاتلانہ حملے میں پولیس نے تین ملزمان کو گرفتارکرلیا۔

تفصیلا ت کے مطابق تینوں کی گرفتاریاں جائے وقوعہ سے برآمد ہونے والے اسلحہ کی رپورٹ سامنے آنے کے بعد عمل میں آئی ہیں۔

پولیس کے مطابق جائے وقوعہ سے ملنے والا پستول نیلا گنبد مارکیٹ سے خریدا گیا تھا،جس کے پیش نظرتین اسلحہ ڈیلرزکو حراست میں لیکراسلحہ کی خریدوفروخت کا ریکارڈ قبضہ میں لیا گیا ہے،جلد ہی مرکزی ملزمان بھی پولیس کی گرفت میں ہونگے۔پولیس نے تینوں گرفتارڈیلرزکی دکانوں کے ڈی وی آر بھی قبضہ میں لے لیے ہیں۔