روپے کی بے قدری جاری ،ڈالر مزید مہنگا، 238 روپے 50 پیسے کا ہو گیا

کراچی: پاکستانی روپے کی بدترین گراوٹ کا سلسلہ جاری رہا، امریکی ڈالر مزید مہنگا ہو گیا۔ڈالر نے تمام ریکارڈ توڑدیئے،ڈالر 238 روپے 50 پیسے ہو گیا ۔

انٹربینک میں تاریخ کی بلند ترین سطح پر پہنچ گیا، پھر 5 روپے 57 پیسے مہنگا کا بڑا اضافہ دیکھا گیا ہے،جس کے بعد امریکی کرنسی کی نئی قیمت 238 روپے 50 پیسے پر جا پہنچی ۔

ماہرین کا کہنا ہے کہ غیریقینی سیاسی صورتحال، ہفتہ وار بنیادوں پر ملکی ذرمبادلہ کے ذخائر میں تسلسل سے کمی اور آنے والے دنوں میں روپے کی قدر مزید گھٹنے کے خدشات کے پیش نظر درآمدی شعبوں کی لیٹر آف کریڈٹس کھولنے کی رفتار تیز ہوگئی ہے جس سے روپیہ پر دباؤ بڑھتا جا رہا ہے۔