ملک کے مختلف شہروں میں انٹرنیٹ سروس بند

لاہور : وفاقی دارالحکومت اسلام آباد، راولپنڈی سمیت ملک کے مختلف شہروں میں انٹرنیٹ سروس بند ہوگئی ہے۔ پنجاب،خیبرپختون کے مختلف شہروں راولپنڈی،اسلام آباد،لاہور،ملتان،اٹک، پشاور،مردان میں انٹرنیٹ سروس متاثر ہوئی ہے جس  کے باعث صارفین کو مشکلات کا سامنا ہے ۔

پی ٹی سی ایل کے ٹرانسمیشن ٹیٹ ورک میں تکنیکی خرابی کے باعث انٹرنیٹ سروس متاثر ہوئی۔ یوفون اورنیا ٹیل کی سروس بند ہونے کے باعث  بھی صارفین پریشانی کا شکارہیں،پی ٹی سی ایل کے ٹرانسمیشن نیٹ ورک میں خرابی آج صبح سامنے آئی۔

ترجمان پی ٹی اے کے مطابق ساوتھ اورنارتھ کے ڈیٹا نیٹ ورکس میں تکنیکی مسئلہ سامنے آیا ہے، نیٹ ورک میں تکنیکی مسئلے کے باعث انٹرنیٹ سروس متاثر ہوئی ، پی ٹی اے انٹرنیٹ سروس متاثر ہونے کی صورتحال کا جائزہ لے رہا ہے۔