قطر پاکستان میں 3 ارب ڈالر کی سرمایہ کاری کرے گا

دوحہ: دوحہ میں وزیراعظم شہبازشریف کی امیر قطر شیخ تمیم بن حمد الثانی سے ملاقات میں دوطرفہ امور اور باہمی دلچسپی کے امور پر بات چیت کی گئی۔ اس موقع پر وزیراعظم کا کہنا تھا کہ پاکستان قطر کے ساتھ دیرینہ اوردوستانہ تعلقات کو اہمیت دیتا ہے، دوستانہ تعلقات باہمی اعتماد، مستقل حمایت کی مضبوط بنیادوں پرمبنی ہیں۔

اس سے پہلے وزیراعظم شہباز کا دو روزہ دورے پر قطر پہنچنے میں شاندار استقبال کیا گیا اور دیوان امیری میں گارڈ آف آنر پیش کیا گیا۔

ذرائع وزارت خزانہ کے مطابق مختلف شعبوں میں تعاون کے فروغ کیلئے وفود کی سطح پر بات چیت ہوئی، جس میں قطر نے پاکستان میں فوری طور پر 3 ارب ڈالر کی سرمایہ کاری کا اعلان کیا ہے، قطر مختلف شعبوں میں 3 ارب ڈالر کی سرمایہ کرے گاا۔ ذرائع نے بتایا کہ قطر کی کراچی، اسلام آباد ایئرپورٹس پرسرمایہ کاری میں دلچسپی ہے۔

وزیراعظم نےامیر قطر کے والد سے بھی ملاقات کی اور دولاکھ سے زائد پاکستانیوں کی میزبانی پران کا شکریہ ادا کیا اوروزیراعظم نے امیر قطر کے والد کو دورہ پاکستان کی دعوت بھی دی ہے۔