وفاقی کابینہ میں مزید توسیع کردی گئی۔فائل فوٹو
وفاقی کابینہ میں مزید توسیع کردی گئی۔فائل فوٹو

آڈیو لیکس سے ایوان اقتدار میں ارتعاش

اتوار 25 ستمبر 2022, 10:55 شام       آخری اپ ڈیٹ اتوار 25 ستمبر 2022, 11:18 شام اہم خبریں, قومی

 اسلام آباد: وزیراعظم ہاؤس کی متعدد مبینہ آڈیو لیک سوشل میڈیا پر گردش کر رہی ہیں جن میں پی ٹی آئی کے ارکان اسمبلی کے استعفوں کی منظوری لندن سے لیے جانے، مریم نواز کے داماد کے لیے بھارت سے پاور پلانٹ منگوانے جیسے انکشافات ہوئے ہیں۔
لیک ہونے والی مبینہ آڈیو میں مختلف انکشافات کیے گئے ہیں، ایک آڈیو وزیراعظم اور کسی اعلیٰ آفیسر کی ہے، دوسری آڈیو وزیر اعظم ، رانا ثناء اللہ ، ایاز صادق اور کسی اعلی آفیسر کی ہے جب کہ تیسری آڈیو مریم نواز کی ہے۔

 

سوشل میڈیا پر جاری وزیر اعظم ہائوس میں اجلاس کی مبینہ آڈیو لیکس

تحریک انصاف کے رہنما فواد چوہدری نے بھی ٹویٹر پر ایک آڈیو شیئر کی ہے جس میں مبینہ طور پر وزیر اعظم شہباز شریف کو اعلی آفیسر بتا رہے ہیں کہ ‏مریم صفدر نے بھارت سے اپنے داماد کے لیے پاور پلانٹ منگوانے کے لیے سفارش کی، آدھا پاور پلانٹ انڈیا سے آگیا ہے اور آدھا باقی ہے۔
اعلیٰ آفیسر نے بتایا کہ یہ اہم معاملہ ہے، وزیر اعظم کے رشتہ دار ہونے کے ناطے شور پڑ جائے گا، یہ بات پہلے ای سی سی اور بعدازاں وفاقی کابینہ میں جائے گی تو معاملہ گلے پڑ جائے گا۔

 

وزیراعظم شہباز شریف نے کہا کہ ترکی سے واپسی پر مریم سے خود بات کروں گا۔ اعلیٰ آفیسر نے تجویز دی کہ یہ معاملہ اسحاق ڈار پر چھوڑ دیں وہ کرلیں گے، پہلے بھی ایک گاڑی انہوں نے اس طرح کی تھی۔
اعلیٰ آفیسر نے کہا کہ مریم صاحبہ نے دوسرا کام اتحاد ٹاؤن کے لیے گرڈ اسٹیشن کا کہا ہے، جس پر شہباز شریف نے کہا کہ یہ کام روٹین میں ہوجائے گا سب کرتے ہیں۔

 

اس شخص کی بہت احسان مند ہوں جو میری مرضی کی خبر لگواتا ہے اور بند بھی کرواتا ہے۔

اسی طرح تیسری آڈیو بھی سامنے آئی ہے جو کہ مبینہ طور پر مسلم لیگ (ن) کی نائب صدر مریم نواز کی ہے جس میں وہ کہتی ہیں کہ میں اس شخص کی بہت احسان مند ہوں جو میری مرضی کی خبر لگواتا ہے اور بند بھی کرواتا ہے۔

 

Copyright © 2024 Ummat Digital. All Rights Reserved