طبیعت میں بہتری کے بعدحیدر علی اسپتال سے ڈسچارج

لاہور(اُمت نیوز) قومی کرکٹ ٹیم کے بلے باز حیدر علی کو طبیعت میں بہتری کے بعد ڈاکٹرز نے انہیں اسپتال سے جانے کی اجازت دے دی ہے۔
پاکستانی ٹیم کے میڈیا مینجر کے مطابق نوجوان بیٹر حیدر علی وائرل انفیکشن کا شکار ہوگئے تھے اور انہیں چھٹے ٹی 20 میچ کے بعد طبیعت خراب ہونے پر اسپتال منتقل کیا گیا تھا۔ جہاں انہوں گزشتہ رات ڈاکٹر کی زیر نگرانی اسپتال میں ہی قیام کیا۔

اب پاکستان کرکٹ بورڈ کے میڈیا مینیجر نے اطلاع دی ہے کہ طبیعت میں بہتری کے بعد نوجوان بیٹر حیدر علی کو اسپتال سے ہوٹل منتقل کردیا گیا۔ ہے وہ اب پہلے سے بہت بہتر محسوس کررہے ہیں جبکہ وائرل کی شدت بھی کم ہوگئی ہے۔