کوئٹہ سے اسلام آباد پہنچنےوالی پرواز میں مسافر لڑ پڑے

اسلام آباد(امت نیوز) سے اسلام آباد پہنچنے والے پی آئی اے کے طیارے میں مسافر آپس میں لڑ پڑے اور ایک دوسرے پر مکے برسائے۔دونوں مسافروں کو سیکورٹی حکام کے حوالے کردیا گیا

کوئٹہ سے اسلام آباد جانے والی پی آئی اے کی پرواز نمبر 326 میں دو مسافر دوران سفر لڑپڑے اور تکرا ہوتی رہی ۔ طیارہ جب اسلام آباد ایئرپورٹ پہنچا تو تو مسافر آپس میں دوبارہ الجھ پڑے اور تکرار کے بعد ایک دوسرے پر حملہ آور ہوگئے۔اس دوران کسی مسافر نے ویڈیو بنالی جو وائرل ہوگئی

مسافروں کے جھگڑے کے دوران دیگر مسافر خود کو اور اپنے بچوں کو جھگڑے سے بچاتے نظر آئے

مسافروں کے جھگڑے پر طیارے کے پائلٹ نے سیکورٹی اسٹاف کو طلب کیا، بعدازاں اے ایس ایف کا عملہ دونوں مسافروں کو لیکر کنڑول روم روانہ ہوا جہاں دونوں سے پوچھ گچھ کی گئی۔ ائیرلائن حکام کا کہنا تھا کہ مسافروں نے طیارے میں جھگڑا کیا جنہیں سیکورٹی حکام کے حوالے کردیا گیا ہے۔