عمران خان کو زہردے کر مارنے کا منصوبہ بنایا گیا ہے،شیخ رشید

اسلام آباد:سابق وفاقی وزیر اور عوامی مسلم لیگ کے سربراہ شیخ رشید احمد نے کہا ہے کہ عمران خان کو زہردے کر مارنے کا منصوبہ بنایا گیا ہے،

سابق وفاقی وزیر ریلوے شیخ رشید احمد نے کہا کہ اگر یہ اسمبلیاں تحلیل نہ ہوئیں تو اپنے ممبرز کو اسمبلیوں سے واپس بلایا جائے گا، آج کا نوجوان، آج کی قومی اور بین الاقوامی سیاست عمران خان کے ساتھ ہے، عمران خان نے کہا ایسی اسمبلی میں نہیں بیٹھیں گے جہاں چور، ڈاکو، لٹیرے بیٹھے ہیں۔

انہوں نے کہا کہ یہ عمران خان سے الیکشن نہیں لڑنا چاہتے،عمران خان نے 13 پارٹیوں کی سیاست دفن کردی ہے۔

شیخ رشید نے کہا کہ یہ چاہتے ہیں عمران خان کو زہر دیا جائے، تم نے عمران خان کو ختم کرنے کا منصوبہ بنایا تھا،عمران خان کی جان لینا چاہی اب کہتے ہیں گولیاں تو نہیں لگی تھیں، ان کی شکل ٹی وی پر آتی ہے تو لوگ چینل بدل دیتے ہیں۔