علی بلال کی ہلاکت کا مقدمہ پی ٹی آئی قیادت کیخلاف درج

لاہور: پاکستان تحریک انصاف کے رہنما فواد چوہدری کا کہنا ہے کہ پولیس نے علی بلال کے جاں بحق ہونے کا مقدمہ پی ٹی آئی قیادت کے خلاف ہی درج کر لیا۔

عمران خان، فواد چوہدری، فرخ حبیب، حماد اظہر، محمود الرشید سمیت دیگر رہنماؤں پر 302 کا مقدمہ درج کیاگیا ہے۔دہشتگردی سمیت دیگر دفعات بھی شامل ہیں۔

فواد چوہدری کا کہنا تھا کہ میرا نام اسلام آباد میں ہونے کے باوجود ایف آئی آر میں درج کیا گیا ہے۔

محمودالرشید کا کہنا تھا کہ پی ٹی آئی رہنماؤں اور ورکرز پر بے بنیاد پرچے درج کیے گئے، ہم پولیس گردی اور مقدمات درج کرنے کے اقدام کی مذمت کرتے ہیں۔

تحریک انصاف کو ایسے ہتھکنڈوں سے خوف زدہ نہیں کیا جاسکتا، انہوں نے الزام عائد کرتے ہوئے کہا کہ ہمارے درجنوں کارکن گرفتار اور ایک شہید ہوا۔