پولیس کی زمان پارک میں ایک بار پھر آپریشن کی تیاری

لاہور(امت نیوز) سابق وزیراعظم اور پاکستان تحریک انصاف کے چیئرمین عمران خان کی رہائش گاہ زمان پارک پر پولیس نے پی ٹی آئی رہنماؤں کی گرفتاری کیلئے ایک بار پھر آپریشن کی تیاری کرلی۔

اس حوالے سے ذرائع کا کہنا ہے کہ لاہور پولیس کا زمان پارک میں گرینڈ آپریشن کیلیے علی الصبح جانے کا امکان ہے جس کیلئے تمام تر تیاریاں مکمل کرلی گئی ہیں۔

ذرائع کے مطابق مختلف ڈویژنز کی نفری کو وائرلیس پیغام کے ذریعے صبح 3بجے متعلقہ تھانوں میں پہنچنے کی ہدایت کی گئی ہے۔

اس سلسلے میں پولیس اہلکاروں نے زمان پارک کے اطراف کے علاقوں میں آمد و رفت بند کرنے کیلیے کنٹینروں کی پکڑ دھکڑ بھی شروع کردی ہے۔

ذرائع کا کہنا ہے کہ پولیس حکام نے وائرلیس پیغام میں ہدایات جاری کرتے ہوئے سختی سے تنبیہہ کی ہے کہ صبح3بجے نہ پہنچنے والے افسران واہلکار اپنے آپ کو ملازمت سے معطل سمجھیں۔

ذرائع کے مطابق تھانوں میں پہنچنے والے افسران بریفنگ دیں گے، یہ آپریشن گزشتہ روز کیے جانے والے درج مقدمات کے تحت کیا جائے گا۔