پہلا سربراہ ہے جس کے بیان کی تردید ان کی جماعت کر رہی ہے، مریم اورنگزیب

اسلام آباد: وفاقی وزیر اطلاعات و نشریات مریم اورنگزیب نے عمران خان کے بیان پر ردعمل دیتے ہوئے کہاکہ پہلا سربراہ ہے جس کے بیان کی تردید اس کی اپنی جماعت کا آفیشل اکاﺅنٹ کر رہا ہے،آفیشل اکاﺅنٹ تردید کر رہا ہے”جوعمران نے کہا وہ عمران نے نہیں کہا“

سماجی رابطے کی ویب سائٹ ٹوئٹر پر اپنے ٹوئٹ میں مریم اورنگزیب نے کہاکہ عوام کے ذہنوں کیساتھ اور نہ کھیلو، قوم کے منہ پر جھوٹ نہ بولو، اسی لیے فراڈیے کوکالا کنستر منہ پر چڑھانا پڑتا ہے، مجرم ہو مجرم ہی رہو گے،تم نے سماج، اخلاق، سیاست، معیشت تہس نہس کی، ذہنوں میں زہر گھولا، دلوں میں نفرت بھری، سیاست کو گندا، ملک کو مفلوج کیا۔

پہلا سربراہ ہے جس کے بیان کی تردید اُس کی اپنی جماعت کا آفیشل اکاؤنٹ کر رہا ہے کہ "جو عمران نے کہا وہ عمران نے نہیں کہا." عوام کے ذہنوں کے ساتھ اور نہ کھیلو قوم کے منہ پر جھوٹ نہ بولو، اسی لئے فراڈیے کو کالا کنستر منہ پہ چڑھانا پڑتا ہے. مجرم ہو مجرم ہی رہو گے pic.twitter.com/tKp2wU8mcA

— Marriyum Aurangzeb (@Marriyum_A) April 24, 2023

مریم اورنگزیب نے کہا کہ تم نے باجوہ کے کہنے پر اسمبلیاں کیوں توڑیں؟ اقتدار کی خاطر پنجاب اور پختونخوا کے عوام کی توہین کی، منتخب اسمبلیاں تحلیل کرکے دونوں صوبوں کے نمائندوں کی تضحیک کی۔

ان کاکہناتھا کہ تم عدلیہ کو گالی دو، چیف جسٹس کی تصویر پر جوتے مارو، دھمکی سے ضمانت کا ریلیف پیکیج لو،چیف جسٹس نے آئین کی دستک نہیں بلکہ ساس کے خوف میں فیصلہ دیا۔