زمان پارک ضلعی انتظامیہ اور پولیس کے زیر کنٹرول آگیا

 

لاہور(اُمت نیوز) چیئرمین پی ٹی آئی عمران خان کی رہائشگاہ والا علاقہ زمان پارک مکمل طور پر ضلعی انتظامیہ اور پولیس کے زیر کنٹرول آگیا ہے۔
پی ٹی آئی کے اِکا دُکا کارکن بھی زمان پارک سے غائب ہوگئےہیں، خیمے اکھڑ گئے، پولیس اہلکار عمران خان کے گھر کے دروازے پر بیٹھ گئے۔
پولیس اہلکار آنے اور جانے والوں کی انٹری کرنے لگے جبکہ اردگرد کی سڑکوں پر رکاوٹیں دور کرنے کے لیے پولیس نے کرین منگوالی۔

زمان پارک کے اردگر موجود تمام تجاوزات کو ختم کیا جارہا ہے، رات گئے آپریشن جاری۔۔!!! pic.twitter.com/fRD8TPGSKL

— Mughees Ali (@mugheesali81) May 19, 2023

عمران خان اپنے گھر کے اندرونی حصوں کی تلاشی نہ دینے کی ضد پر قائم ہیں۔ اُن کا کہنا ہے کہ پہلے شرطیں پوری کرو، پھر گھر کی تلاشی لو، عمران خان نے سرکاری ٹیم کو سرچ آپریشن سے روک دیا۔
کمشنر لاہور کی سربراہی میں حکومتی ٹیم نے کور کمانڈر ہاؤس سمیت فوجی تنصیبات پر حملوں میں ملوث ملزمان کے نام اور حملوں کے ثبوت عمران خان کو دیے، براہ راست ملوث پی ٹی آئی کی قیادت کی تفصیل بھی بتائی۔

زمان پارک میں لگے کیمپس کو گرا دیا گیا ۔۔۔۔۔۔

اور یہ سب کچھ عالمی میڈیا بھی دکھا رہا لائیو ۔۔۔۔pic.twitter.com/h3P0092KbD

— Fatima PTI (@FatimaPTI_IK) May 19, 2023