بھیرہ، سنگدل باپ کےہاتھوں بیٹی اور اس کی ساس قتل

بھیرہ (اُمت نیوز) سنگدل باپ نے بیٹی اور اس کی ساس کو فائرنگ کر کے موت کے گھاٹ اتار دیا، ملزم اپنی بیٹی کی شادی پر رضامند نہیں تھا۔
پولیس ذرائع کے مطابق قتل کی یہ واردات محلہ حاجی گلاب میں ہوئی، ملزم اپنی بیٹی حنا کی زبیر سے شادی پر رضامند نہ تھا اور اکثر لڑتا جھگڑتا رہتا تھا، حنا کی زبیر سے 8 ماہ قبل شادی ہوئی تھی اور وہ 6 ماہ کی حاملہ تھی۔
واقعہ کے بعد ساس اور بہو کو شدید زخمی حالت میں تحصیل ہیڈ کوارٹر ہسپتال بھیرہ لایا گیا جہاں وہ زخموں کی تاب نہ لاتے ہوئے دم توڑ گئیں، ملزم موقع سے فرار ہوگیا جبکہ پولیس نے ملزم کو تلاش کرنے کیلئے ٹیمیں تشکیل دے دی ہیں۔