ٹانک آپریشن میں شہید نائیک محمدعتیق چکوال میں سپردخاک

چکوال(اُمت نیوز)چکوال کا ایک اور سپوت وطن عزیز پر قربان ہو گیا، نواحی قصبہ بھون کے نائیک محمد عتیق ٹانک آپریشن کے دوران 3 ساتھیوں سمیت شہید ہو گئے۔ محمد عتیق کو پورے فوجی اعزاز کے ساتھ آبائی علاقے بھون کے مقامی قبرستان میں سپرد خاک کر دیا گیا۔ پنجاب رجمنٹ کی طرف سے لیفٹیننٹ کرنل عبید کی قیادت میں فوجی دستے نے سلامی پیش کی۔اس موقع پر عمائدین علاقہ کی بڑی تعداد نے نماز جنازہ میں شرکت کی اور شہید کی قربانی کو شاندار الفاظ میں خراج عقیدت پیش کیا۔