کراچی میں ہفتےکے دوران 22 مقابلوں میں 2 ڈاکوہلاک 23 زخمی ہوئے۔ پولیس

کراچی (اسٹاف رپورٹر) شہرمیں انسداد جرائم کے دوران ڈاکوؤں سے ضلعی پولیس کے 22 مقابلے ہوئے، فائرنگ کے تبادلے میں 2 ڈاکوؤں کو ہلاک جبكہ 23 زخمی ڈاکوؤں سمیت 36 ڈاکوؤں کو گرفتارکیا گیا، گرفتارملزمان سے 34 مختلف اقسام کا غیرقانونی اسلحہ اور13 موٹر سائیکلیں برآمد کی گئیں ۔

ترجمان کے مطابق پولیس نے گزشتہ ہفتے کے دوران کراچی کے ایسٹ، ویسٹ اورساؤتھ زونزمیں چھاپوں کے دوران مجموعی طورپر846 سے زائد ملزمان کو گرفتار کیا۔ جبکہ منشیات کیخلاف مہم میں مختلف علاقوں سے لاکھوں روپے مالیت کی 48 کلو 578 گرام چرس، 1 کلو 360 گرام ہیروئین، 132 شراب کی بوتلیں آئس/ کرسٹال برآمد کی گئیں۔

گرفتاراسٹریٹ کرمنلزسے134غیر قانونی اسلحہ بمعہ ایمونیشن تحویل میں لیا گیا۔ پولیس نے مختلف علاقوں میں کارروائیاں کرتے ہوئے مجموعی طورپرچھینی و چوری شدہ 53 موٹرسائیکلیں اور5 گاڑیاں برآمد کرکے تحویل میں لیں۔