Ummat News Latest Urdu News in Pakistan Politics Headlines Videos
اسلام آباد (امت نیوز) پی ڈی ایم اے نے بارش کی پیشگوئی کے پیش نظرالرٹ جاری کردیا۔آندھی اور جھکڑ کے باعث کھڑی فصلوں اور کمزورعمارات کو نقصان کا خطرہ ہے۔
محکمہ موسمیات کے مطابق آج سے 26 مئی کے دوران اسلام آباد، پنجاب، خیبر پختونخوا اور کشمیرمیں بارش کی توقع ہے۔ آج سے26مئی کے دوران اسلام آباد، مری، راولپنڈی، چکوال، سرگودھا ميں بارش کا امکان میانوالی،خوشاب، بھکر،فیصل آباد، جھنگ، ٹوبہ ٹیک سنگھ،منڈی بہاوٗالدین میں بھی بارش کی توقع ہے۔
شیخوپورہ،ننکانہ، گوجرانوالہ، لاہور،سیالکوٹ، ناروال، قصور میں گرج چمک کے ساتھ بارش کا امکان ہے۔پاکپتن،اوکاڑہ، ساہیوال،رحیم یارخان،ڈی جی خان، راجن پور، ملتان اور بہاولنگر میں بھی بارش متوقع ہے۔
پی ڈی ایم اے کے مطابق بعض مقامات پرتيز آندھی، جھکڑچلنےاور ژالہ باری کا بھی امکان ہے۔ پی ڈی ایم اے نے کسانوں کو موسمیاتی پیشگوئی کو مدنظر رکھتے ہوئے معاملات ترتیب دینے کا مشورہ دیا ہے۔
