سیالکوٹ سے بھی پہلی حج پرواز مدینہ منورہ روانہ

کراچی (اسٹاف رپورٹر)سیالکوٹ سے بھی پی آئی اے کی حج پروازوں کا آغاز ہوگیا۔326 عازمین سیالکوٹ سے مدینہ منورہ روانہ ہوئے ۔

سیالکوٹ سے پہلی حج پرواز پی کے 747  تین سو چھبیس عازمین کو لے کر مدینہ منورہ روانہ ہوگئی،سیالکوٹ سے 13 خصوصی حج پروازوں کے ذریعے 5 ہزار عازمین حج کو سعودی عرب پہنچایا جائے گا۔

سیالکوٹ ایئر پورٹ پر عازمین حج کو رخصت کرنے کے لئے پروقار تقریب کا انعقاد کیا گیا۔تقریب میں کیک کاٹا گیا عازمین کو ہار پہنائے گئے اور پھول تقسیم کئے گئے۔

پہلی پرواز سے روانہ ہونے والے عازمین حج کوچیئرمین سیالکوٹ ائر پورٹ خواجہ مسعود اختر، سابقہ ایم پی اے ارشد جاوید وڑائچ، جنرل مینیجر پسنجر ہینڈلنگ پی آئی اے سید ذوالقرنین مہدی، اسٹیشن منیجر پی آئی اے کاشف پیرزادہ سول ایوی ایشن ، اے ایس ایف اور دیگر حکام نے رخصت کیا۔