القادر ٹرسٹ کیس:احتساب عدالت نے بشریٰ بی بی کی عبوری ضمانت منظور کرلی

اسلام آباد (امت نیوز) احتساب عدالت نے عمران خان کی اہلیہ بشریٰ بی بی کی عبوری ضمانت منظور کر لی ہے۔ القادر ٹرسٹ کیس، 190 ملین پاؤنڈ اسکینڈل میں سابق وزیراعظم عمران خان کی اہلیہ بشریٰ بی بی کی حفاظتی ضمانت کا آج آخری دن تھا۔ عمران خان کی اہلیہ کو لاہور ہائی کورٹ نے 23 مئی تک متعلقہ عدالت سے رجوع کرنے کا حکم دیا تھا۔

احتساب عدالت اسلام آباد میں بشریٰ بی بی کی ضمانت کی درخواست وکیل خواجہ حارث کی جانب سے دائر کی گئی۔