خیبر:پولیس لائنز پرحملہ،2 اہلکار شہید، ہرنائی میں دو دھماکے، 3 جاں بحق

خیبر(امت نیوز) خیبر میں پولیس لائنز پردہشتگردوں نے حملہ کردیا،حملے میں 2اہلکارشہیداور2زخمی ہوگئے،پولیس کے مطابق بھرپورجوابی کارروائی پردہشتگردفرارہوگئے،زخمیوں کوپشاورمنتقل کردیاگیا۔ بلوچستان کے ضلع ہرنائی میں دو دھماکوں کے نتیجے میں3افراد جاں بحق اور6زخمی ہوگئے۔ سب تحصیل خوست زردآلوکول مائنزایریا میں ٹوڈی کار میں بم دھماکہ ہوا اور سوار 3افراد موقع پرجاں بحق ہوگئے گاڑی مکمل طورپرتباہ ہوگئی۔

دھماکے کی آوازسننے کے بعد مقامی لوگ جب مدد کے لئے پہنچے تو اسی جگہ پر ایک دوسرا دھماکہ ہوگیا اور 6 افراد زخمی ہ وگئے۔ بعد میں لوگ لاشیں اٹھانے کے لیے آگے جانے سے گھبراتے رہے۔ بعد میں دھماکہ ریموٹ کنٹرول سے کیا گیا۔ پولیس نے بتایاکہ بارودی سرنگ کا دھماکا گاڑی گزرنے کے دوران ہوا، افسوسناک واقعہ میں جاں بحق اور زخمی ہونے والے افراد کو رورل ہیلتھ سینٹر منتقل کیا گیا۔

ضلع میں یکے بعد دیگرے دو دھماکوں کی آواز سن کر لوگوں میں خوف و ہراس پھیل گیا ۔ پشاور میں تخریب کاری کا منصوبہ ناکام بنا دیا گیا ۔ بم ڈسپوزل سکواڈ نے ناصر باغ میں سڑک کنارے نصب بم اور بارودی سرنگ کو ناکام بنا دیا۔پولیس کے مطابق بم 10 کلو وزنی تھا ۔