پاکستان اقوام متحدہ کی اقتصادی و سماجی کونسل کا رکن بن گیا

نیو یارک : پاکستان اقوام متحدہ کی اقتصادی اور سماجی کونسل کا رکن بن گیا

پاکستان یکم جنوری 2024 سے تین سال کے لیے اقوام متحدہ کی اقتصادی اور سماجی کونسل (ای سی او ایس او سی) کا رکن بنا، پاکستان نے 193 ارکان میں سے رائے شماری کے دوران 129 ووٹ حاصل کیے۔

ایشیائی نشستوں پر جاپان 127 اور نیپال 145 ووٹوں کے ساتھ کامیاب ہوئے جبکہ عراق 50 اور تاجکستان 120 ووٹوں کے ساتھ ناکام ہوگئے۔

پاکستان ماضی میں چھ مرتبہ ای سی او ایس او سی فورم پر خدمات انجام دے چکا ہے۔ یہ فورم بین الاقوامی اقتصادی اور سماجی مسائل پر بحث اور سفارشات مرتب کرتا ہے۔

پاکستانی سفیر منیر اکرم کہتے ہیں بین الاقوامی اقتصادی تعاون کے نئے متحرک اور مساوی ڈھانچے میں فعال کردار ادا کریں گے، بطور وکیل پاکستان کی نمائندگی کرنے میں اپنا کردار ادا کرنے پر فخر محسوس کرتا ہوں۔ منیراکرم نے پاکستان کو کامیاب کرانے پر اقوام متحدہ میں پاکستانی مشن میں اپنی ٹیم کی تعریف بھی کی۔