بینظیر بھٹو کی سالگرہ ،رات 100پونڈ وزنی کیک کاٹا گیا

لاہور(امت نیوز) پیپلز پارٹی کی شہید چیئرپرسن اور سابق وزیر اعظم بینظیر بھٹو کی آج 70ویں سالگرہ شایان شان انداز میں منانے کیلئے رات سے ہی لاہور سمیت ملک بھر میں تقاریب کا آغاز ہوگیا جن میں وفاقی وزراء، پارٹی رہنمائوں نے اس عزم کا اظہار کیا کہ شہید بینظیر بھٹو کے ادھورے مشن کی تکمیل انکے لخت جگر بلاول بھٹو زرداری کی قیادت میں مکمل کرینگے ۔گزشتہ روز بینظیر بھٹو کی سالگرہ کے حوالے سے مرکزی تقریب پیپلز پارٹی لاہور کے زیر انتظام لبرٹی چوک لاہور میں ہوئی جس میں پی پی سیکرٹری جنرل سید نیئر حسین بخاری نے خصوصی طور پر شرکت کی اورچودھری اسلم گل، رانا فاروق سعید، فیصل میر، فرخ بصیر،شہزاد سعید چیمہ و دیگر پارٹی قائدین اور ورکروں کی موجودگی میں رات گئے بینظیر بھٹو شہید کی سالگرہ کا 100پونڈ وزنی کیک کاٹا گیا۔

جشن بینظیر جلسے سے خطاب میں نیئر بخاری نے کہا کہ اسٹیبلشمنٹ کی بنائی جماعتیں نہ پہلے پیپلز پارٹی کا مقابلہ کر سکیں نہ اب کر سکیں گی۔ اسلم گل ، قاسم گیلانی،حافظ غلام محی الدین، ثمینہ خالد گھرکی،جمیل منج، زاہد ذوالفقار،امجد جٹ،محسن ملہی،چودھری عاطف رفیق،آصف ناگرہ،ایڈون سہوترا،اسلم گڑا نے بھی خطاب کیا۔میاں ایوب ،ڈاکٹر خالد جاوید جان،نیلم جبار، نایاب جان،عبدالقادر شاہین،احمد جواد فاروق رانا،حاجی عزیز الرحمٰن چن، عمر شریف بخاری،میاں ایوب،نعیم اسلم کیانی ،چودھری اشرف،عامر نصیر بٹ،نرگس خان،سونیا خان،عقیلہ یوسف،ناصرہ شوکت،حسن گیلانی،احمد جواد رانا،شاہدہ جبیں،سفیان گھرکی،،عمر ایاز،اکرم کمبوہ،صداقت شیروانی،خدیجہ حسن،جاوید الیاس بٹ،ریاض جٹ،علامہ یوسف اعوان ،خالد باجوہ،میاں ودود حسن ڈار،عمران اٹھوال،فرخ مرغوب،ماہ عالم ،وسیم شہاب الدین ،صابر بھلہ،نعمان یوسف، پارٹی کی تمام تنظیموں کے عہدیدار، ٹکٹ ہولڈرز، سمیت کارکنوں اور عوام الناس کی کثیر تعداد موجود تھی۔