نارروال میں آسمانی بجلی گرنے سے 6 افراد جاں بحق

نارروال (امت نیوز)نارروال میں آسمانی بجلی گرنے سے 6 افراد جاں بحق ہوگئے۔ تفصیلات کے مطابق  ضلع نارروال کی تحصیل شکرگڑھ میں آسمانی بجلی گرنے سے 6 افراد جاں بحق، جب کہ 4 افراد زخمی ہوگئے۔

ریسکیو حکام کے مطابق جلی ظفروال پنج پیر، رتن پور، خورد قانو گوئی اور چانگو والی میں گری، واقعے میں ایک قربانی کا بیل بھی آسمانی بجلی کی نظر ہوگیا، جب کہ متعدد مویشی ہلاک ہونے کی خبریں ہیں، جس کے بعد ضلعی و تحصیل انتظامیہ مال مویشی کے نقصانات کا ڈیٹا جمع کرنے میں مصروف ہے۔

ریسکیو حکام نے بتایا کہ واقعے کی اطلاع ملتے ہی ریسکیو کی ٹیمیں جائے حادثات پر پہنچیں اور زخمیوں و لاشوں کو ڈسٹرکٹ ہیڈ کوارٹر اسپتال نارووال منتقل کردیا گیا۔

ریسکیو حکام کے مطابق جاں بحق ہونے والوں کی شناخت ثقلین، بلال، 70 سالہ محمد صدیق، اور نصیرکے نام سے ہوئی ہے، جب کہ مرنے والوں میں 2 بچے بھی شامل ہیں۔