کراچی میں ڈاکوؤں کو کھلی چھوٹ، 6 بیٹیوں کا باپ قتل

کراچی: اورنگی ٹاؤن میں ڈکیتی مزاحمت پر ڈاکوؤں نے چھ بیٹیوں کے باپ کو قتل کردیا، لیاقت آباد ڈاکخانے کے قریب ڈاکوؤں نے لمکا کی دکان لوٹ لی۔

اورنگی ٹائون ساڑھے گیارہ میں ڈکیتی مزاحمت پر تاجر شہری کو قتل کردیا گیا۔مقتول نسیم سبزی کا بیوپاری تھا، صبح سویرے سبزی لینے نکلا تھا، لیکن گھر کے قریب ملزم نے لوٹ مار کے دوران مزاحمت پر فائرنگ کردی، جس نسیم موقع پر ہی جاں بحق ہوگیا۔ مقتول چھ بیٹوں کا باپ تھا۔

لیاقت آباد ڈاکخانے کے قریب ڈاکوؤں نے لمکا کی دکان لوٹ لی، ڈکیتی کی سی سی ٹی وی فوٹیج منظر عام پر آگئی جس کے مطابق دو موٹر سائیکل پر سوار چار ملزمان نے پہلے دکان کے مالک سے ہاتھ ملایا۔ دو ملزمان نے ہیلمٹ اور دو ملزمان نے چہرے پر ماسک لگائے ہوئے تھے۔

ملزمان نے لوٹ مار کے دوران دو موبائل فون اورنقدی رقم لوٹی، ملزمان نے فرارہوتے ہوئے دکان کے باہر ایک اور شخص کو بھی لوٹ لیا۔