فورسزکی کارروائی،شمالی وزیرستان اور ٹانک میں 6 دہشتگرد جہنم واصل 

راولپنڈی (امت نیوز)سیکیورٹی فورسز کی شمالی وزیرستان اور ٹانک میں کارروائیاں، 6 دہشتگرد جہنم واصل کردیئے۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ ٹانک کے علاقے منزئی میں سیکیورٹی فورسز کے ساتھ فائرنگ کے تبادلے میں 3 دہشتگرد مارے گئے، ہلاک دہشتگردوں کے قبضے سے بھاری مقدار میں اسلحہ و گولہ بارود برآمد کر لیا گیا۔

آئی ایس پی آر کے مطابق سیکیورٹی فورسز کی دہشتگردوں کے ساتھ جھڑپ کا دوسرا واقعہ شمالی وزیرستان کے علاقے زرمک میں پیش آیا جہاں فائرنگ کے تبادلے میں بھی 3 دہشتگرد ہلاک ہو گئے، مارے گئے دہشت گرد فورسز کیخلاف کارروائیوں اور معصوم شہریوں کے قتل میں بھی ملوث تھے۔