گلگت میں سیاحوں کی وین کو حادثہ، دو افراد جاں بحق، درجنوں زخمی

گلگت(اُمت نیوز)ہنزہ ناصر آباد میں سیاحوں کی وین کو حادثہ ہوا جس میں دو افراد جاں بحق ہوگئے۔
تفصیلات کے مطابق ہنزہ سے لاہور جانے والی ہائی ایس آج صبح 7 بجے ناصر آباد چیک پوسٹ کے قریب حادثے کا شکار ہو گئی۔حادثہ تیز رفتاری کے باعث پیش آیاہے۔

ریسکیو حکام کے مطابق سیاحوں کی وین کو حادثے کے نتیجے میں دو افراد جاں بحق جب کہ 12 سے زائد زخمی ہوگئے۔
ریسکیو حکام کا کہنا ہے کہ وین حادثے میں زخمی 5 زخمیوں کو ڈی ایچ کیو ہسپتال علی آباد اور 3 زخمیوں کو سکندر آباد ہسپتال منتقل کر دیا گیا۔
ہسپتال میں ایمرجنسی نافذ کر دی گئی ہے۔