بھلوال،مسافر وین میں آتشزدگی، 7 افراد جاں بحق، 10 زخمی

بھلوال(اُمت نیوز)بھلوال میں مسافر وین میں آتشزدگی سے 7 افراد جاں بحق ہوگئے ہیں جبکہ 10 افراد زخمی ہوئے ہیں۔
تفصیلات کےمطابق یہ حادثہ پنجاب کے شہر بھلوال میں مسافر وین میں گیس سلنڈر پھٹنے کے باعث  پیش آیا ہے۔
آگ لگنے کی وجہ سے پانچ افراد جھلس کر جاں بحق اور دس سے زائد افراد زخمی ہوگئے۔
مسافر وین میں اچانک آتشزدگی کے بعد لاشوں اور زخمیوں کو اسپتال منتقل کیا گیا۔
وین کو جلتا دیکھ کر قریبی آبادی کے لوگ فوری طور پر جمع ہوگئے اور امدادی سرگرمیوں میں حصہ لیا۔
پولیس اور امدادی ٹیمیں بھی موقع پر پہنچیں، لاشوں اور زخمیوں کو اٹھایا گیا۔

نگراں وزیرِ اعلیٰ پنجاب محسن نقوی نے مسافر وین میں سلنڈر پھٹنے کے واقعے کا نوٹس لیتے ہوئے کمشنر اور آر پی او سرگودھا سے رپورٹ طلب کر لی۔

 محسن نقوی نے واقعے کی تحقیقات کا حکم دیتے ہوئے کہا ہے کہ زخمیوں کو علاج کی بہترین سہولتیں فراہم کی جائیں۔