وزیرآباد کی ریفائنری میں آتشزدگی سےہزاروں لیٹر تیل جل گیا

وزیر آباد(امت نیوز)وزیر آباد کی آئل ریفائنری میں آتشزدگی سے ہزاروں لیٹر تیل جل گیا ۔ذرائع کے مطابق وزیر آباد کے علاقے علی پور چٹھہ کے آئل ریفائنری یونٹ میں اچانک آگ بھڑک اٹھی جس نے دیکھتے ہی دیکھتے عمارت کے بڑے حصے کو لپیٹ میں لے لیا، ریسکیو ٹیموں نے موقع پر پہنچ کر آپریشن شروع کیا اور دو گھنٹے کے بعد آگ پر قابو پا لیا۔ریسکیو حکام کے مطابق آگ یونٹ کے بوائلر اور بیٹنگ چیمبر میں لگی تھی، جس وقت حادثہ پیش آیا اس وقت آئل چیمبر میں 25 ہزار لیٹر خام تیل موجود تھا۔ ریسکیو کے مطابق آگ پر مکمل قابو پا لیا گیا ہے اور کولنگ کا عمل جاری ہے۔ حکام کا کہنا ہے کہ آگ لگنے کی وجہ تاحال معلوم نہیں ہوسکی۔دوسری جانب وزیراعظم شہباز شریف نے آئل ریفائنری میں آگ لگنے کے واقعے کا نوٹس لے لیا، انہوں نے متعلقہ حکام کو عوام اور ریفائنری عملے کی حفاظت کیلئے فوری اقدامات اور واقعے کے مکمل تحقیقات کی ہدایت کردی ہے۔