اسلام آباد،گولڑہ موڑ پر مسافر بس نے 5 افراد کوکچل ڈالا

اسلام آباد(اُمت نیوز)  اسلام آباد میں موٹرسائیکل اور بس میں تصادم ہوا جس کے باعث 5 افراد جانبحق ہوگئے ہیں۔

تفصیلات کے مطابق یہ حادثہ اسلام آباد میں گولڑہ موڑ کے قریب پیش آیا جہاں تیز رفتاربس  نے دو موٹرسائیکل سواروں کو کچل دیا جس کے نتیجے میں 5 افراد جاں بحق ہوگئے ہیں۔

جانبحق ہونے والوں میں تین مرد، خاتون اور ایک بچہ شامل ہیں۔

بس ڈرائیور فرار ہوگیا ہے جبکہ لاشوں کو پمز اسپتال منتقل کردیا گیا ہے اور جاں بحق ہونے والوں کا پوسٹمارٹم کیا جارہا ہے۔