عون چوہدری وزیراعظم کے معاون خصوصی کے عہدے سے مستعفی

اسلام آباد: استحکام پاکستان پارٹی (آئی پی پی) کے رہنما عون چوہدری وزیراعظم شہباز شریف کے معاون خصوصی کے عہدے سے مستعفی ہو گئے۔

ذرائع کے مطابق عون چوہدری نے استحکام پاکستان پارٹی میں شمولیت کی وجہ سے استعفیٰ دیا، نعمان لنگڑیال بھی استعفی دیدیں گے۔

ذرائع کا بتانا ہے کہ استحکام پاکستان پارٹی نے اپنے ارکان کو حکومتی عہدوں سے الگ ہونے کا کہا ہے۔

خیال رہے کہ آئی پی پی نے کچھ روز قبل  اپنے رہنماؤں عون چوہدری اور نعمان لنگڑیال کو حکومتی عہدوں سے مستعفی ہونے کے احکامات جاری کیے تھے۔