راولپنڈی میں گیس سلنڈر دھماکہ -4 جھلس گئے

راولپنڈی( اسٹاف رپورٹر ) راولپنڈی کے ہوٹل میں گیس دھماکہ ، 4 افراد جھلس گئے، تفصیلات کےمطابق تھانہ ائیر پورٹ کے علاقے فضل ٹاؤن میں واقع ہوٹل میں گیس دھماکہ ہو ا جس کے نتیجے میں 4 افراد جھلس گئے،ترجمان ریسکیو محمد عثمان گجر نے بتایا کہ واقعہ کی اطلاع ملتے ہی فوری طور پر ریسکیو ٹیموں کو جائے وقوعہ پر پہنچا یا گیا، ریسکیو آپریشن میں ریسکیو فائر ٹینڈرز، ایمرجنسی ایمبولینسز، اسپیشل ریسکیو گاڑیوں نے حصہ لیا اور آگ پر قابو پا لیا گیا، ان کا کہنا تھا کہ مجموعی طور پر 4 افراد متاثر ہوئے ہیں جن میں دو افراد سلیمان عمر 31 سال اور ذولقرنین عمر 41 سال شدید زخمی ہیں جبکہ عثمان عمر 15 سال اوروقاص عمر 27 سال جزوی طور پر جھلس گئے ہیں ، جن کو ہسپتال منتقل کر دیا گیا ہے۔