کوہاٹ سے سابق رکن صوبائی اسمبلی نے پی ٹی آئی کو خیرباد کہہ دیا

کوہاٹ:  پاکستان تحریک انصاف کے ٹکٹ ہولڈر اور سابق ممبر صوبائی اسمبلی نے پی ٹی آئی چھوڑنے کا اعلان کردیا۔ ضیا اللہ بنگش نے پاکستان تحریک اںصاف چھوڑنے کا اعلان کوہاٹ پریس کلب میں میڈیا کے نمائندوں کے سامنے کیا۔

اس حوالے سے ان کا کہنا تھا کہ میرا یہ فیصلہ دیر سے ہوا مگر درست ہوا، 9 مئی کے افسوس ناک واقعات قابل مذمت ہیں، وہ دن تاریخ کا سیاہ ترین دن تھا۔ ضیا اللہ بنگش نے مزید کہا کہ انہوں نے یہ فیصلہ کوہاٹ کی عوام کے مفاد میں کیا ہے اور وہ اپنے لوگوں کی خدمت اور ان کے مسائل کے حل کیلئے پہلے کی طرح ہی میدان میں نظر آئیں گے۔