ناردرن بائی پاس پر فائرنگ، سبزی منڈی کا تاجر جاں بحق

کراچی: ناردرن بائی پاس پر فائرنگ سے سبزی منڈی کا تاجر جاں بحق ہو گیا۔

پولیس کے مطابق نعمان نصیر دوست کے ساتھ گاڑی میں ناردرن بائی پاس پر جا رہا تھا۔ ٹول پلازہ کراس کرکے عباس کٹ سے کچے کے راستے میں ان پر فائرنگ ہوئی۔

عینی شاہد نے پولیس کو بیان دیتے ہوئے کہا کہ 2 موٹر سائیکلوں پر سوار 4 ملزمان نے انہیں روکنے کی کوشش کی۔  نہ رکنے پر تعاقب کرنے والے ملزمان نے گاڑی پر فائرنگ کی۔

پولیس کا کہنا ہے کہ دوست نے ہی نعمان کو اسپتال پہنچایا، جہاں ڈاکٹروں نے اس کی موت کی تصدیق کر دی۔

واضح رہے کہ مقتول سپر ہائی وے پر سبزی منڈی میں کام کرتا تھا، نعمان کے والد نصیر بنگش فروٹ منڈی کے معروف تاجر ہیں۔