مانسہرہ: سیاحوں کی گاڑی کھائی میں جاگری، 9 افراد جاں بحق

مانسہرہ (بیورو رپورٹ) چلاس میں بابوسر ٹاپ کے علاقے گیتی داس کے مقام پر سیاحوں کی گاڑی کھائی میں گرنے سے 9 افراد جان کی بازی ہار گئے جبکہ چار زخمی ہو ئے۔ریسکیو 1122 نے زخمیوں کو چلاس کے مقامی اسپتال میں منتقل کیا۔ حادثے کا شکارہونے والوں میں خواتین اور بچے بھی شامل ہیں۔حادثے کے بعد گاڑی میں آگ لگ گئی،ریسکیو حکام کے مطابق زخمیوں میں کچھ کی حالت تشویشناک ہے، ہلاکتوں میں اضافے کا خدشہ ہے۔ گیٹی داس پولیس چوکی انچارج اور ناران پولیس چوکی محرر کے مطابق جانبحق افراد کو ناران منتقل کیا گیا جبکہ زخمیوں کو چلاس منتقل کر کے طبی امداد فراہم کی گئی گیٹی داس چوکی انچارج کے مراسلہ میں حادثہ کا شکار ہونے والی فیملی کا تعلق ساہیوال سے بتایا گیا ھے۔