کراچی: رینجرز کی چوکی پر فائرنگ، اہلکار شہید

ترجمان رینجرز کے مطابق لیاری بہار کالونی الفلاح چوکی کے نزدیک اسنیپ چیکنگ کے دوران مشتبہ موٹر سائیکل سوار افراد کو رکنے کے اشارہ پر رینجرز اہلکار پر فائرنگ کی گئی جس کے نتیجے میں رینجرز اہلکار 40 سالہ لائنس نائیک دلشاد شہید ہوگیا۔

ترجمان کے مطابق رینجرز کی جانب سے واقعہ میں ملوث ملزمان کی تلاش کا عمل جاری ہے جبکہ ان کی گرفتاری کے لیے ٹیمیں بھی تشکیل دیدی گئی ہیں۔