بجلی کے زائد بلوں کے خلاف خواجہ سرا بھی میدان میں آگئے

راولپنڈی(اُمت نیوز) خواجہ سراؤں نے بجلی کے بھاری بلوں کے خلاف احتجاجی مظاہرہ کیا، مظاہرین نے مری روڈ کو بلاک کرکے نعرے بازی جس سے ٹریفک روانی متاثر ہوئی۔
راولپنڈی شی میل ایسوسی ایشن کی چئیرپرسن الماس بوبی کی کال پر خواجہ سراوں کی بڑی تعداد آئیسکو آفس مریڑ چوک آفس کے باہر جمع ہوئی اور اختجاج ریکارڈ کرایا۔
مظاہرین نے ہاتھوں میں پلے کارڈز اور بینرز اٹھا رکھے تھے جن پر نعرے درج تھے۔ مظاہرین خواجہ سراؤں نے مری روڈ تک مارچ کیا اور مریڑ چوک کو بند کرکے سینے پیٹتے رہے۔

تھری ایم پی او لگاو اب؟

راولپنڈی؛خواجہ سرا کا مہنگائی کے خلاف احتجاج#ملک_گیرعوامی_ہڑتال pic.twitter.com/ZJJYJnbDw9

— Abdul Jabbar (@abduljabbarisb) September 2, 2023

ان کا کہنا تھا بجلی کے زائد بلوں سے دیگر افراد کی طرح خواجہ سرا بھی متاثر ہوئے ہیں، حکومت فوری بجلی کے بلوں میں اضافہ واپس لے، خواجہ سرا اختجاج ریکارڈ کرانے کے بعد پرامن طور پر منتشر ہوگے۔