عثمان ڈار کی والدہ کے سنگین الزام پر خواجہ آصف کا جواب

سیالکوٹ: پاکستان تحریک انصاف سابق رہنما عثمان ڈار کی والدہ نے (ن) لیگ کے رہنما خواجہ آصف پر الزامات کی بوچھاڑ کردی جس پر لیگی رہنمانے بھی رد عمل جاری کر دیاہے ۔

خواجہ آصف نے رد عمل دیتے ہوئے کہا کہ ایسی انتقامی سیاست سے میرا کوئی تعلق نہیں، میں نے ہمیشہ اپنے سیاسی مخالفین اور ان کے خاندان کا احترام کیا ہے۔

انہوں نے کہا کہ میری بیوی تین درجن بارعدالتوں کی پیشیاں بھگت چکی ہیں، میرا بیٹا جس کا سیاست سےکوئی تعلق نہیں اس کے خلاف بھی جھوٹے مقدمے بنائے گئے، میرے ان سیاسی مخالفین نے مشرف اورپی ٹی آئی حکومتوں میں میرے خلاف درخواست بازی کی، میں نے دونوں ادوار میں 6،6 ماہ قید کاٹی لیکن کچھ ثابت نہ ہوسکا، میری ذات کی سیاست عوام سے کمٹمنٹ، اصولوں اور وفاداری پر ہے۔

یاد رہے کہ عثمان ڈار کی والدہ نے ویڈیو بیان میں کہا کہ ’کاغذات جمع کرانےکا سن کر 20 لوگ میرےگھربھیجےگئے، زدوکوب کیا گیا۔

انہوں نے لیگی رہنما خواجہ آصف پر الزام لگاتے ہوئے کہا کہ حملہ آوروں نے گھر کا مین دروازہ توڑا اور میری قیمض کوپھاڑ ڈالا، خواجہ آصف نے ایک بارپھر میرے گھر پر حملہ کرایا، چیف جسٹس واقعے کانوٹس لیں۔