خیبر پختونخوا حکومت نے نکاح نامہ میں حلف ختم نبوت ﷺ لازمی قراردے دیا

خیبر پختونخوا (اُمت نیوز)خیبر پختونخوا حکومت نے مسلم فیملی لاز آرڈیننس میں ترامیم کردی ہیں،نکاح نامہ میں حلف ختم نبوتﷺ لازمی قرار دیا گیا ہے۔

خیبر پختونخوا حکومت نے مسلم فیملی لاز آرڈیننس میں ترامیم کردیں، محکمہ لوکل گورنمنٹ خیبر پختونخوا نے اعلامیہ جاری کر دیا جس کے مطابق ترمیم مسلم فیملی آرڈیننس کے سیریل نمبر 13 اور 25 میں ترمیم کر دی گئی ہے۔

اعلامیے کے مطابق نکاح نامہ میں کیش، منقولہ و غیر منقولہ جائیداد کی صورت میں حق مہر کی تفصیلات درج کرنا ہوں گی، نکاح نامہ میں حلف ختمِ نبوت بھی لازمی قرار دیا گیا۔

اس کے مطابق دولہا اور دلہن دونوں حلف ختمِ نبوتﷺ کے پابند ہوں گے،نکاح نامہ پر دولہا، دلہن، دونوں کے وکلاء اور گواہان کے دستخط ہوں گے، نکاح نامہ پر نکاح رجسٹرار کے دستخط اور مہر بھی لازمی قرار دی گئی ہے۔