حب: مسافربس الٹ گئی، 2 خواتین جاں بحق، 25 افراد زخمی

حب: کراچی سے کوئٹہ جانے والی مسافر بس الٹ گئی، حادثے میں دو خواتین جاں بحق اور پچیس زخمی ہوگئے۔تفصیلات کے مطابق گزشتہ شب حادثہ حب کے علاقے بیلہ کے قریب ٹریفک حادثہ پیش آیا ، جہاں مسافرکوچ الٹ گئی، جس کے نتیجے میں دو خواتین موقع پر ہی جاں بحق ہوگئیں جبکہ 25 افراد زخمی ہوئے۔ اطلاع ملتے ہی ریسکیو ٹیمیں موقع پر پہنچیں اور لاشوں اور زخمیوں کو سول اسپتال بیلہ منتقل کردیا، حادثہ کا شکار بس کراچی سے کوئٹہ جارہی تھی ۔

واضح رہے پاکستان کے مختلف حصوں سے شدید دھند کے باعث سڑک حادثات کی اطلاعات موصول ہورہی ہیں ۔ یاد رہے دو روز قبل گوجرانوالہ میں ڈی سی کالونی کے قریب مسافربس الٹ گئی تھی ۔ بس سڑک پرپھسلن اور دھند کے باعث الٹی تھی۔ حادثے میں دو افراد جاں بحق پچیس زخمی ہو گئے تھے ، مسافربس کوہاٹ سے لاہورجارہی تھی۔