صدرعلوی کراچی،بلاول نوڈیرو،بیرسٹرگوہر نے بونیر میں ووٹ کاسٹ کیا

لاہور(امت نیوز) صدر مملکت عارف علوی نے بمعہ اہل و عیال کراچی کے پولنگ اسٹیشن ووٹ کاسٹ کیا ۔ سابق صدر آصف زرداری نے نوابشاہ میں این اے 207 ، مسلم لیگ کے قائد میاں نواز شریف نے لاہور کے این اے 128 ماڈل ٹائون ،سابق وزیراعظم شہباز شریف نے این اے 127، مریم نواز نے لاہور،پیپلز پارٹی کے چیئرمین بلاول بھٹو نے این اے 194 نوڈیرو ، امیر جماعت اسلامی سراج الحق نے جندول کے علاقے ثمرباغ ،جمعیت علمائے اسلام (ف) کے سربراہ مولانا فضل الرحمان نے ڈیرہ اسماعیل خان میں آبائی گائوں عبدالخیل ،مسلم لیگ ن کی رہنما مریم اورنگزیب نے این اے 51مری ، نگران وفاقی وزیر اطلاعات مرتضیٰ سولنگی نے این اے 46 اسلام آباد ، سابق وزیراعلیٰ سندھ مرادعلی شاہ نے واہڑ ، سابق صدر آصف زرداری کی صاحبزادی آصفہ بھٹو زرداری نے نوابشاہ ، سابق سپیکر قومی اسمبلی اسدقیصر نے آبائی علاقے مرغز،سربراہ استحکام پاکستان پارٹی جہانگیر ترین نے لودھراں جبکہ پی ٹی آئی رہنما بیرسٹر گوہر علی نے بونیر میں اپنا ووٹ کاسٹ کیا۔