عون چوہدری کی جیت مذاق ہے، اداکارہ عفت عمر

اسلام آباد(اُمت نیوز)پاکستانی اداکارہ اور سوشل میڈیا پر وائرل عفت عمر نے استحکام پاکستان پارٹی کے رہنما عون چوہدری کی جیت کو مذاق قرار دے دیا۔

سوشل میڈیا پر کیے گئے پوسٹ میں عفت عمر کا کہنا تھا کہ سلمان اکرم راجہ ہار رہے ہیں اور عون چوہدری جیت رہے ہیں، یہ اس الیکشن کا سب سے بڑا مذاق ہے۔

اداکارہ کا مزید کہنا تھا کہ اس سب کو رُکنا چاہیے اور یہ قبول کریں کہ اب آپ کے ہاتھ سے معاملہ نکل چکا ہے۔ جیسا بھی ہو، عوام اسے چاہتی ہے، یہ ایک حقیقت ہے، جسے برداشت کریں۔

واضح رہے سوشل میڈیا پر عفت عمر پاکستان تحریک انصاف پر تنقید کرتی دکھائی دیتی تھیں، تاہم انتخابات 2024 میں پیش آنے والے واقعات نے انہیں بھی حیران کر دیا ہے۔