کراچی،آندھی اور گرج چمک کیساتھ بارش کا امکان

کراچی (اُمت نیوز)ملک کے سب سے بڑے شہر کراچی میں آج دوپہر کے بعد کہیں کہیں آندھی اور گرج چمک کے ساتھ بارش کا امکان ظاہر کیا گیا ہے۔

محکمۂ موسمیات کے مطابق شہرِ قائد میں آج کہیں ہلکی اور کہیں معتدل بارش ہو سکتی ہے۔

محکمۂ موسمیات کی جانب سے کراچی میں آئندہ 24 گھنٹوں کے دوران موسم گرم اور مرطوب رہنے کا امکان بھی ظاہر کیا گیا ہے۔

شہر میں آج کم سے کم درجۂ حرارت 30 ڈگری سینٹی گریڈ ریکارڈ کیا گیا ہے، جبکہ زیادہ سے زیادہ درجۂ حرارت 35 سے 37 ڈگری سینٹی گریڈ تک رہنے کا امکان ہے۔

محکمۂ موسمیات کے مطابق کراچی کی فضا میں نمی کا تناسب 59 فیصد ریکارڈ ہوا ہے۔