ژوب میں زلزلے کے شدید جھٹکے، شدت 5 ریکارڈ

بلوچستان(اُمت نیوز)بلوچستان کے ضلع ژوب میں زلزلے کے جھٹکے محسوس کیے گئے ہیں۔

زلزلہ پیما مرکز کے مطابق ژوب میں آئے زلزلے کی شدت 5 ریکارڈ کی گئی ہے،زلزلے کا مرکز ژوب سے 106 کلومیٹر جنوب میں تھا۔

میڈیا رپورٹ کے مطابق زلزلے کے نتیجے میں تاحال کسی جانی یا مالی نقصانات کی اطلاعات موصول نہیں ہوئی جبکہ زلزلے کے باعث لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے باہر نکل آئے۔