لیفٹیننٹ جنرل محمد عاصم ملک ڈی جی آئی ایس آئی تعینات

اسلام آباد:آئی ایس پی آر کے مطابق لیفٹیننٹ جنرل عاصم ملک کو ڈی جی آئی ایس آئی تعینات کر دیا گیا ۔

آئی ایس پی آر کے مطابق لیفٹیننٹ جنرل عاصم ملک 30 ستمبر کو اپنی نئی ذمے داری سنبھالیں  گے، وہ اس وقت جی ایچ کیو میں ایڈ جوئنٹ جنرل کے فرائض انجام دے رہے ہیں ۔

نئے ڈی جی آئی ایس آئی عاصم ملک کون ہیں؟

آپ کو جان کر خوشی ہو گی کہ ان کے والد بھی لیفٹیننٹ جنرل کے عہدے پر فرائض انجام دیتے رہے ہیں ۔

آئی ایس پی آر کے مطابق لیفٹیننٹ جنرل عاصم اس سے پہلے بلوچستان میں انفنٹری ڈیویژن اور وزیرستان میں انفنٹری بریگیڈ کمانڈ کر چکے ہیں ، وہ اپنے کورس میں اعزازی شمشیر بھی حاصل کر چکے ہیں، اِس کے علاوہ وہ چیف انسٹرکٹر این ڈی یو اور انسٹرکٹر کمانڈ اینڈ سٹاف کالج کوئٹہ بھی تعینات رہ چکے ہیں۔ لیفٹیننٹ جنرل عاصم فورٹ لیون ورتھ اور رائل کالج آف ڈیفنس سٹڈیز کے گریجویٹ بھی ہیں۔

لیفٹیننٹ جنرل عاصم ملک فوجی خاندان سے تعلق رکھتے ہیں،لیفٹیننٹ جنرل عاصم ملک کے والد غلام محمد بھی لیفٹیننٹ جنرل تعینات رہے ،لیفٹینٹ جنرل عاصم ملک کے والد کور کمانڈر راولپنڈی بھی تعینات رہے۔