کراچی،سہراب گوٹھ سے کالعدم ٹی ٹی پی کے 3 دہشتگرد گرفتار

کراچی (اُمت نیوز)کاؤنٹر ٹیررازم ڈیپارٹمنٹ (سی ٹی ڈی) نے کراچی کے علاقے سہراب گوٹھ میں چھاپہ مار کر کالعدم ٹی ٹی پی کے 3 دہشت گردوں کو گرفتار کر لیا۔

سی ٹی ڈی کے ترجمان کا کہنا ہے کہ گرفتار دہشت گردوں نے 3 جون کو سہراب گوٹھ میں پولیس پر حملہ کیا تھا، جس میں پولیس اہلکار یاسین شہید اور سلمان عباس زخمی ہو گیا تھا۔

ترجمان نے بتایا ہے کہ حملے کی ذمے داری کالعدم ٹی ٹی پی نے قبول کی تھی۔

گرفتار دہشت گردوں میں فرہاد، حاجی رحمٰن اور صغیر شامل ہے۔

گرفتار دہشت گردوں کا تعلق کالعدم تنظیم کے مولانا بشیر گروپ سے ہے، ان کو پولیس پر حملے کا ٹاسک ملا تھا۔