بشریٰ بی بی کہاں ہیں، بہن مریم ریاض نے بتا دیا

لاہور: بانی پی ٹی آئی کی اہلیہ بشریٰ بی بی کی بہن مریم ریاض وٹو نے کہاہے کہ بشریٰ بی بی قافلے میں ہیں لیکن قافلے کو لیڈ پارٹی قیادت کرے گی۔

مریم ریاض وٹو کا اپنے بیان میں کہناتھا کہ سب کو بشریٰ بی بی کی فکر تھی، لوگ انہیں منارہے تھے کہ وہ نہ نکلیں،ان کی جان کو خطرہ ہے،مریم ریاض وٹو نےکہاکہ رب کے راستے پر چلنے والوں کو ان چیزوں کی کہاں فکر ہوتی ہے۔

انہوں نے کہاکہ بانی کی فیملی کا کوئی فرد بھی احتجاج میں ہو آپ نے ان کی حفاظت کرنی ہے،کوئی کچھ بھی کہے بانی پی ٹی آئی کو رہا کروائے بغیر واپس نہیں جانا۔

پی  ٹی آئی کا احتجاجی قافلہ، ترجمان شیخ وقاص اکرم کا اہم بیان  سامنے آ گیا

پی  ٹی آئی کے احتجاجی قافلہ کی روانگی پر ترجمان شیخ وقاص اکرم کا اہم بیان  سامنے آ گیا۔

ل شیخ وقاص اکرم کا اپنے بیان میں کہنا ہے کہ بشریٰ بی بی پشاور سے نکلنے والے پی ٹی آئی قافلے کا حصہ ہیں،قافلہ علی امین گنڈاپور کی قیادت میں پشاور سے روانہ ہو چکا ہے،بشریٰ بی بی ورکرز کے شانہ بشانہ اسلام آباد جا رہی ہیں،بشریٰ بی بی کاکہنا ہے کہ ورکر کو اس وقت اکیلا نہیں چھوڑا جا سکتا۔